O'zbekiston

Qurbon hayiti tarixi aks etgan temuriylar davri miniatyurasi aniqlandi

U hozirda Portugaliyadagi kolleksiyada saqlanmoqda.

Qurbon hayiti tarixi aks etgan temuriylar davri miniatyurasi aniqlandi

 

Yer yuzidagi yuz millionlab musulmonlar bugun Iyd al-Adha - Qurbon hayitini nishonlamoqda. Rivoyatlarga ko‘ra, bu anʼana hz. Ibrohim (a.s.) Alloh tomonidan imtihon qilingan kundan boshlanadi.

 

Maʼlumki, diniy manbalarda, xususan, Bibliya va Qurʼonda Ibrohim (a.s.)ning o‘z o‘g‘illarini Yaratganning amriga binoan qurbonlik qilmoqchi bo‘lgani yoziladi. Ibrohim (a.s.) Allohga bo‘lgan itoatlari sabab o‘z o‘g‘illarini uydan olib chiqadilar. Belgilangan joyga borib, Ismoil (a.s.)ning bo‘g‘ziga pichoq qadaganlarida, Allohning izni bilan Jabroil (a.s.) jannatdan bir qo‘chqor olib chiqadi va Ismoil (a.s.) qurbonlikdan qutuladilar.

 

Bu voqea Qurʼoni karimning “as-Soffat” surasida tilga olinadi. Suraning 106-107-oyatlarida o‘qiymiz. “Albatta, bu ochiq-oydin sinovning ayni o‘zidir. Biz uning o‘rniga katta qurbonlik fido qildik”.

 

O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyati boshqaruvi raisi Firdavs Abduxoliqovning maʼlumot berishicha, Lissabon (Portugaliya)dagi Gyulbenkyan kolleksiyasida temuriylar davriga oid bir qo‘lyozma saqlanadi.  1410–1411 yillarda Sherozda ko‘chirilgan ushbu muraqqaʼ (albom)da Ibrohim (a.s.) o‘z o‘g‘lini qurbon qilayotganlari aks ettiriladi.

 

Suratda ayni ana shu oyatlarda zikr qilingan holat tasvirini ko‘rishimiz mumkin. Unda Ibrohim (a.s.) o‘z o‘g‘li Ismoil (a.s.)ning bo‘yniga pichoq tirab turganlari tasvirlangan. Sarg‘ish rangli fonda havoda muallaq turgan to‘rt nafar qanotli farishta ko‘zga tashlanadi. Ibrohim (a.s.)ning qarshisida jannatdan qo‘chqor olib chiqqan Jabroil (a.s.)  qanotli ayol ko‘rinishida tasvirlangan

 

“Muhtaram Prezidentimiz rahnamoligida O‘zbekiston madaniy merosini o‘rganish va targ‘ib etishga katta eʼtibor qaratilyapti. Jamiyatimiz aʼzolari ushbu eʼtibor va g‘amxo‘rlikdan ruhlanib, dunyoning turli hududlaridan xalqimiz maʼnaviy merosining ko‘plab durdonalarini aniqlashmoqda. Fursatdan foydalanib barcha hamyurtlarimizni Butunjahon jamiyati aʼzolari nomidan Qurbon hayiti bilan muborakbod etaman!”, — deydi Firdavs Abduxoliqov.

 

Toshkentda havo sifati yaxshilanadi: 20-noyabr tongida “yashil” daraja bo‘ladi

Toshkentda havo sifati yaxshilanadi: 20-noyabr tongida “yashil” daraja bo‘ladi

Bunga tunda shamol kuchayishi va havo almashinuvi yaxshilanishi sabab bo‘lishi kutilmoqda.

Iordaniya poytaxti Ammon shahrida O‘zbekiston Prezidenti Shavkat Mirziyoyevning “Hozirgi zamon va Yangi O‘zbekiston” nomli fundamental asari arab tilida taqdim etildi

Iordaniya poytaxti Ammon shahrida O‘zbekiston Prezidenti Shavkat Mirziyoyevning “Hozirgi zamon va Yangi O‘zbekiston” nomli fundamental asari arab tilida taqdim etildi

Olti bob va xotimadan iborat kitobda «Davlat — inson uchun» va «Inson qadri uchun» tamoyillari asosida amalga oshirilayotgan islohotlar, mamlakat taraqqiyotining ustuvor vazifalari hamda davlat va jamiyat hayotidagi o‘zgarishlar tahlil qilingan.

Toshkentda Erasmus+ ekspertlarining xalqaro konferensiyasi boshlandi

Toshkentda Erasmus+ ekspertlarining xalqaro konferensiyasi boshlandi

Markaziy Osiyo va Yevropa Ittifoqi mamlakatlari vakillari ishtirokida oliy ta’lim tizimini rivojlantirish va ilmiy tadqiqotlar samaradorligini oshirishga bag‘ishlangan xalqaro forumlar o‘tkazilmoqda.

Bir tashrifda 30 kungacha: O‘zbekiston va Ummon o‘rtasida vizasiz tartib joriy etiladi

Bir tashrifda 30 kungacha: O‘zbekiston va Ummon o‘rtasida vizasiz tartib joriy etiladi

Yil davomida vizasiz bo‘lish muddati jami 180 kundan oshmasligi lozim.

Suv avtomatlarini buzib, pulini o‘g‘irlashdi: olti nafar gumonlanuvchi ushlandi

Suv avtomatlarini buzib, pulini o‘g‘irlashdi: olti nafar gumonlanuvchi ushlandi

Toshkentda ko‘chalardagi ichimlik suvi sotadigan avtomatlardagi pullarni o‘g‘irlash holatlari aks etgan videolar tarqaldi.

Filtrlar o‘rnatilmagan, chiqindilar nazorat qilinmagan: Toshkentdagi korxonada qoidabuzarliklar aniqlandi

Filtrlar o‘rnatilmagan, chiqindilar nazorat qilinmagan: Toshkentdagi korxonada qoidabuzarliklar aniqlandi

Hozirda korxona faoliyatini vaqtincha to‘xtatib turish masalasida sudga murojaat qilish uchun hujjatlar tayyorlanmoqda.

27 ta konsert reklamasi bo‘yicha ogohlantirish berildi: ijro shakli ko‘rsatilmagan

27 ta konsert reklamasi bo‘yicha ogohlantirish berildi: ijro shakli ko‘rsatilmagan

Konsert-tomosha tadbirlarida fonogrammadan foydalanish haqida axborot berilishi shart.

Tojikistonda elektr uzatish ustuni quladi: Farg‘ona vodiysining ayrim joylarida elektr cheklanadi

Tojikistonda elektr uzatish ustuni quladi: Farg‘ona vodiysining ayrim joylarida elektr cheklanadi

Noqulay ob-havo elektr uzatish tarmog‘i tayanchlaridan birining qulashiga sabab bo‘ldi.