Sirdaryoga bir milliondan ortiq baliq chaqalari qo‘yib yuborildi
Baliqlar Sirdayoning O`zbekiston hududidan taxminan 40 km uzoqlikdagi Xo‘jand shahridan oqib o‘tuvchi qismiga qo`yib yuborilgan.
"Asia-Plus" xabariga ko‘ra, Tojikiston prezidenti Emomali Rahmon Sug‘d viloyatiga tashrif buyurib, Xo‘jandda baliqchilik tarmog‘i bilan tanishdi.
Shuningdek, u yerda davlat rahbari Sirdaryoga bir million baliq chavog‘ini qo‘yib yuborgaan. Ular maxsus suv havzalarida yetishtirilgan oq amur, oq do‘ngbosh va zog‘orabaliq ekani aytilmoqda.
Maʼlum qilinishicha, Sug‘d viloyatida 63 ta baliqchilik xo‘jaligi ro‘yxatga olingan bo‘lib, baliq yetishtirish uchun mo‘ljallangan suv havzalarining umumiy maydoni 685 gektarni tashkil etadi.
