O‘zbekistonda kuzatilgan anomal sovuq Rossiyada piyoz narxlariga taʼsir ko‘rsatdi
Mamlakatda piyoz narxlari rekord darajada ko`tarildi
Rossiyada piyoz narxlari 2023-yilning yanvar oyida Markaziy Osiyo mamlakatlaridagi g‘ayritabiiy sovuqlar tufayli rekord darajaga ko‘tarildi.
Rossiya rasmiylari allaqachon mamlakatga piyoz eksport qiluvchi yangi davlatlarni qidirishni boshlab yuborgan. Bundan tashqari, mamlakatda tez orada hosil yig'iladi va piyoz narxi tushadi, deyiladi Rossiya Qishloq xo'jaligi vazirligi matbuot xizmatida.
Ma`lumot uchun, Markaziy Osiyo davlatlari Rossiyaga piyoz yetkazib beruvchi asosiy eksportchi hisoblanadi. Rossiya o‘z zahiralarining 10 foizga yaqinini ushbu mintaqadagi davlatlardan import qiladi, deya tushuntirdi vazirlik.
Ta‘kidlanishicha, yil boshida kuzatilgan anomal sovuq sabab katta miqdorda hosilning nobud bo‘lishi oqibatida bu yil Rossiya bu mamlakatlardan kerakli miqdorda ekin sotib ololmaydi, biroq buning evaziga Xitoy va Ozarbayjondan yetkazib berilayotgan mahsulotlar hajmi ortib bormoqda.
