Myanma rossiyaliklarning vizasiz kirishiga ruxsat berdi
Muddat 30 kun etib belgilangan.
Myanma ruslar uchun 30 kunga vizasiz kirish bo'yicha cheklovni olib tashladi. Ruxsat 2024-yilning 30-iyuniga qadar amal qiladi, deb xabar beradi “TASS”.
Rossiya TIV Konsullik departamenti Myanmaga sayyohlik yoki ishbilarmonlik maqsadida tashrif buyurishni rejalashtirayotgan Rossiya fuqarolari uchun 2023-yil 1-iyuldan 2024-yil 30-iyungacha xalqaro aeroportlar orqali 30 kungacha vizasiz kirishga ruxsat beriladi.
Shuningdek, 1-iyuldan boshlab rossiyaliklar Myanma mehmonxonalar va turizm vazirligi tomonidan tasdiqlangan yagona ro‘yxat bo‘yicha mehmonxonani bron qilish asosida maxsus turistik viza olish uchun murojaat qilishlari mumkin. Bu viza bron qilish muddatiga qarab ikki yoki ko‘p martalik bo‘lishi mumkin, uning amal qilish muddati esa olti oygacha davom etishi kutilmoqda.
