Hindistondagi suv toshqinida 100 dan ortiq kishi halok bo‘ldi
Mamlakatda ko‘chki va suv toshqinlariga olib kelgan musson yomg‘iri bir necha kundan beri to‘xtamayapti.
Ko‘chki va suv toshqinlariga olib kelgan musson yomg‘iri bir necha kundan beri to‘xtamayapti, deya xabar berdi Euronews.
Bu hafta Hindiston shimolida kuchli yomg‘irlar 100 kishining hayotiga zomin bo‘ldi va tartibsizliklarni keltirib chiqardi.
O‘limlarning aksariyati Himachal-Pradeshning tog‘li shtatida qayd etilgan. U yerda kuchli suv toshqini avtomobillar, avtobuslar, ko‘priklar va uylarni olib ketgan, hududda sel ko‘chkilari sodir bo‘lgan.
Nyu-Dehlida Jamuna daryosi qirg‘oqlari bo‘ylab butun hududlar, jumladan, bir nechta hukumat binolari suv ostida qolgan.
Minglab odamlar evakuatsiya qilingan, maktab va kollejlar yopilgan.
Rasmiylarga ko‘ra, bu Hindistonda so‘nggi o‘n yilliklardagi eng kuchli mussondir.
Meteorologlarning prognozlariga ko‘ra, yaqin kunlarda mamlakatning shimoliy hududlarida yana yomg‘ir yog‘ishi mumkin.
