Ko‘p qavatli uylarga xizmat ko‘rsatuvchi boshqaruv organlari 2023-yilda 8 mlrd so‘mni maqsadsiz sarflab yubordi
Qurilish va uy-joy kommunal xo‘jaligi vazirligi tomonidan 200 ga yaqin boshqaruv tashkilotlari faoliyati o‘rganildi
Qurilish va uy-joy kommunal xo‘jaligi vazirligi maʼlumotlariga ko‘ra, 2023-yilning birinchi yarim yilligida ko‘p qavatli uylarga xizmat ko‘rsatuvchi boshqaruv organlari tomonidan 8 mlrd so‘m mablag‘lar maqsadsiz sarflangan.
Taʼkidlanishicha, aholi murojaatlariga asosan 2023-yilning birinchi yarim yilligida Qurilish va uy-joy kommunal xo‘jaligi sohasida nazorat qilish inspeksiyasi tomonidan ko‘p kvartirali uylarga xizmat ko‘rsatuvchi 200 ga yaqin boshqaruv tashkilotlari faoliyati o‘rganilgan.
O‘rganish natijalariga ko‘ra:
-
47 ta uy-joy mulkdorlari shirkati tomonidan 4.5 mlrd so‘m mablag‘ maqsadsiz sarflangani;
-
31 ta boshqaruv servis kompaniyasi (BSK) tomonidan 3.5 mlrd so‘m mablag‘l maqsadsiz sarflangani aniqlandi.
Aniqlangan qonunbuzilish holatlari yuzasidan to‘plangan hujjatlar huquqni muhofaza qiluvchi organlarga yuborilgan.
