Yapon dengizida Rossiya va Xitoy harbiy mashg'ulotlari o'tkaziladi
Bu haqda Xitoy mudofaa vazirligi ma’lum qildi.
“Xitoy Mudofaa vazirligi Pekin tomonidan Rossiya ishtirokida tashkil etilgan "Shimoliy. O‘zaro hamkorlik-2023" harbiy mashg‘ulotlari yaqin kelajakda Yaponiya dengizida o‘tkazilishini ma’lum qildi”, deb yozadi “RIA Novosti”.
Xitoy tomoni manevrlarni tashkil qiladi, ular hamkorlikning yillik rejasida nazarda tutilgan.
Xabarda aytilishicha, Rossiya tomoni yaqin kunlarda mashg‘ulotlarda ishtirok etish uchun kema va samolyotlarni jo‘natadi.
Qayd etilishicha, mashg‘ulotlar mavzusi strategik dengiz yo‘llari xavfsizligini ta’minlash bo‘ladi. Mashg'ulot davomida tomonlar strategik hamkorlik darajasini oshirish ustida ish olib boradi. Bundan ko‘zlangan yana bir maqsad mintaqaviy barqarorlik va tinchlikni saqlash, shuningdek, ikki davlat xavfsizligiga yuzaga kelayotgan tahdidlarga javob berishda o‘zaro hamkorlikni yaxshilashdan iborat.
Shu hafta boshida xabar qilinganidek, Xitoy Tashqi ishlar vazirligi matbuot kotibi Van Venbin Moskva va Pekin oʻrtasidagi munosabatlar harbiy ittifoqlardan ustun ekanligini va Shimoliy Atlantika ittifoqi mamlakatlari hamkorligidan sezilarli farq qilishini taʼkidladi.
