Toshkent metrosidan shubhali buyum topildi
Buyumda portlovchi modda bor yoki yo'qligini aniqlash uchun maxsus xizmatlar chaqirilgan
IIV Transport va turizm obyektlarida xavfsizlikni ta'minlash departamentining xabar berishicha, 20-iyul kuni Toshkent metropolitenida qoldirib ketilgan shubhali buyum topilgan.
Natijada belgilangan yo'riqnomaga muvofiq noma'lum buyumda portlovchi moslamalar bor yoki yo‘qligini tekshirish uchun IIV UKSO xodimlari guruhi chaqirilgan.
Buyum tekshirib ko'rilganda undan portlovchi moslama topilmagan.
Qayd etilishicha, buyumni metro bekatiga tashlab ketgan fuqaroning shaxsiga aniqlik kiritilib, bilan suhbatdan so‘ng dalolatnoma tuzilib, ashyolar egasiga qaytarilgan.
