"Biz JCH-2034 uchun ariza topshirishni rejalashtirmayapmiz"
Qozog‘iston sport vazirligi futbol bo‘yicha jahon chempionatiga mezbonlik qilish haqidagi xabarga munosabat bildirdi.
Qozog‘iston 2034-yilgi jahon chempionatiga mezbonlik qilish istagi haqidagi maʼlumotni rad etdi. Eslatib o‘tamiz, kecha Qozog‘iston va O‘zbekiston 2034-yilgi jahon chempionatiga mezbonlik qilmoqchi ekani haqida xabarlar chiqqan edi. Qozog‘iston Madaniyat va sport vazirligi mamlakat musobaqani o‘tkazishni rejalashtirmaganligini maʼlum qildi.
"Madaniyat va sport ishlari vazirligi Qozog‘iston futbolini rivojlantirishga alohida eʼtibor qaratib, bu yo‘nalishda har tomonlama qo‘llab-quvvatlamoqda. Ammo shuni taʼkidlaymizki, Qozog‘istonda jahon chempionatini o‘tkazish masalasi ko‘rib chiqilmayapti, shu sababli mamlakatimiz chempionat uchun ariza topshirishni rejalashtirmayapti", — deyiladi boshqarma matbuot xizmati xabarida.
