Saudiya klublariga 2030 yilgacha transferlar uchun 19,7 milliard yevro ajratdi
Har yili xaridlar uchun 2,5 milliard yevro sarflanadi.
Saudiya Arabistoni 2030-yilgacha transferlar uchun sarflashi mumkin bo‘lgan mablag‘ miqdorini maʼlum qildi. Jurnalist Ben Jeykobsning so‘zlariga ko‘ra, Saudiya Arabistoni Sport vazirligi mahalliy klublarga 2030-yilgacha transferlar uchun 17 milliard funt sterling (19,7 milliard yevro) bergan. Bu har yili xaridlar uchun taxminan 2,5 milliard yevro sarflash imkonini beradi.
Kilian Mbappening transferi yoz boshida budjetda ko‘zda tutilmagan edi, ammo Saudiya rahbarlari va "Al-Hilol" uni qo‘lga kiritish imkoniyati paydo bo‘lishi mumkinligini bilishgan va bunday vaziyatga tayyorgarlik ko‘rishgan. Lionel Messi bilan muzokaralardagi muvaffaqiyasizlikdan so‘ng, «Al–Hilol katta yulduzni qo‘lga kiritishni maqsad qilgan. Bu klub uchun muhim vazifa. Bu yozda "Al-Hilol" Neymar va Luka Modrichning transfer imkoniyatlarini ham o‘rganib chiqdi. Klubning 2024-yildagi maqsadi - Robert Levandovski. Ammo hozircha "Barselona" hujumchisi Saudiya Arabistoniga o‘tish haqida o‘ylamasligini aytgan.
