Mbappe arablar bilan muzokaralarni boshladi
Futbolchi bir yillik shartnoma xohlamoqda.
“PSJ” hujumchisi Kilian Mbappe Saudiya Arabistoni “Al-Hilol” bilan muzokaralarni boshladi. “AS” xabariga ko‘ra, tomonlar moliyaviy masaladan tashqari shartnoma muddatini ham muhokama qilmoqda. Klub ikki yillik shartnoma taklif qilmoqda, futbolchi esa bir yillik shartnomani xohlamoqda. Saudiya Arabistoni davlat investitsiya fondi butun kelishuv uchun jami 700 million yevro sarflashga tayyor.
Eslatib o‘tamiz, avvalroq Mbappe Yaponiyadagi mavsumoldi yig‘ini uchun “PSJ”dan chetlatilgani maʼlum bo‘lgandi. OAV xabariga ko‘ra, hujumchi transferga qo‘yilgan.
