Dembele ketsa Kanselo olib kelinadi
“Barsa” o‘ng qanot himoyachisi izlamoqda.
“Barselona” o‘tgan mavsumning ikkinchi yarmini “Bavariya”da ijara asosida o‘tkazgan "Manchester Siti" himoyachisi Joau Kanseloni o‘z safiga qo‘shib olmoqchi.
Kataloniyaliklar Usmon Dembeleni “PSJ”ga sotishdan tushgan mablag‘ning bir qismini 29 yoshli portugaliyalik futbolchining transferi uchun sarflashni rejalashtirmoqda. Bu haqda insayder Fabritsio Romano maʼlum qildi. Agar Kanseloning transferi ham amalga oshmasa, “Barselona” yana bir o‘ng qanot himoyachisi, “Valyadolid”dan Ivan Fresneda bilan shartnoma imzolashga harakat qiladi.
