Levandovski qachon nafaqaga chiqmoqchi?
U hali uzoq vaqt futbol o‘ynashni xohlayapti.
“Barselona” hujumchisi Robert Levandovski futbolchilik faoliyatini qachon yakunlashi haqida gapirdi.
"Men hali ham o‘ynashni va gol urishni yoqtiraman. Hamma narsaning chegarasi borligini bilaman, lekin men hali uzoq vaqt futbol o‘ynay olaman deb o‘ylayman. Murabbiylik faoliyati hali rejalarimda yo‘q", - dedi Levandovski.
Eslatib o‘tamiz, La Liganing 2022/2023-yilgi mavsumida Levandovski 34 ta uchrashuvda qatnashib, 23 ta gol urdi va 7 ta golli uzatmani amalga oshirdi. Bungacha polshalik futbolchi “Bavariya”da o‘ynagan va u yerda sakkiz mavsumni o‘tkazgan.
