Toshkentda yigit ayol boshqaruvidagi mashinani shikastladi
Hodisaga qizning unga rad javobi bergani sabab bo‘lgani aytilmoqda.
Ijtimoiy tarmoqlarda Toshkent shahrining Yunusobod tumanida yigit qizdan rad javobini olgani uchun uning avtomashinasiga shikast yetkazgani aytilgan video tarqaldi. Holat yuzasidan shahar IIBB axborot xizmati rasmiy munosabat bildirdi.
Qayd etilishicha, 4 avgust kuni taxminan soat 00:10 larda Yunusobod tumani A.Temur ko‘chasida Sobalt haydovchi — 2002 yilda tug‘ilgan M.X. hamda Gentra rusumli avtomashina haydovchisi — 1999 yilda tug‘ilgan D.T.lar orasida yo‘lda o‘zaro kelishmovchilik kelib chiqqan. Kelishmovchilik natijasida Cobalt rusumli avtomashina haydovchisi Gentra rusumli avtomashinaga texnik shikast yetkazgan.
“Mazkur holat yuzasidan Yunusobod tumani IIO FMB tomonidan tergovga qadar tekshiruv o‘tkazilmoqda. Natijasi bo‘yicha qonuniy qaror qabul qilinishi taʼminlanadi”, — deyiladi xabarda.
