AQSh Jiddadagi sammit natijalarini yuqori baholadi
Bu haqda AQSh Davlat departamenti rasmiy vakili Metyu Miller ma’lum qildi.
Qo'shma Shtatlar Jiddadagi Ukraina Tinchlik formulasini amalga oshirish bo'yicha sammit samarali bo'ldi, deb hisoblaydi.
"Biz samarali muzokaralarni his qildik", — dedi Miller.
Sammitda Amerika tomonidan AQSh Prezidentining milliy xavfsizlik bo'yicha maslahatchisi Jeyk Sallivan ishtirok etgan.
“Biz bir qator davlatlardan Ukrainaning hududiy yaxlitligi va suverenitetini saqlab qolish haqidagi qarashlarini to‘g‘ridan-to‘g‘ri eshitdik va buni samarali deb bilamiz”, — dedi rasmiy vakil.
U, ayniqsa, Xitoy tomonining uchrashuvda ishtirok etishini ijobiy baholadi.
