Toshkentda qiz bolaga tegajog'lik qilgan yigit 10 yilga qamaldi
Oliy sud bu bo'yicha ma'lumot berdi.
Toshkentda ko‘chada ketayotgan qizga tegajog‘lik qilgan 1997-yilda tug‘ilgan yigit sud hukmi o‘qildi. Bu haqda Oliy sud matbuot xizmati xabar berdi.
Taʼkidlanishicha, ushbu jinoyat ishi jinoyat ishlari bo‘yicha Mirobod tuman sudining raisi S. Sodiqov raisligida Jinoyat-protsessual kodeksining 19-moddasi (sudda jinoyat ishlarining oshkora ko‘rilishi) talablariga muvofiq yopiq sud majlisida ko‘rib chiqildi.
Eʼlon qilingan sud hukmiga muvofiq ayblanuvchi Jinoyat kodeksining 25,118-moddasi (nomusga tegishga suiqasd qilish) 3-qismi “a” bandida nazarda tutilgan jinoyatni sodir etganlikda aybli deb topilib, unga 10 yil muddatga ozodlikdan mahrum qilish jazosi tayinlandi.
Tayinlangan jazoni umumiy tartibli koloniyada o‘tash belgilangan.
