Toshkentda Malibu 74 yoshli fuqaroni urib yubordi
Hodisa oqibatida piyoda voqea joyida vafot etgan.
Kecha, 8 avgust kuni Toshkent shahrining Yakkasaroy tumanida odam o‘limi bilan bog‘liq yo‘l-transport hodisasi sodir bo‘ldi. Bu haqda shahar IIBB YHXB maʼlum qildi.
Holat soat 23.50 larda Yakkasaroy tumani Kichik halqa avtomobil yo‘li ko‘chasi 1-uy qarshisida yuz bergan. 2002 yilda tug‘ilgan Sh.G'. Malibu-2 rusumli avtomashinasini boshqarib ketayotib, yo‘lning belgilanmagan qismidan kesib o‘tayotgan piyoda — 1949 yilda tug‘ilgan M.H.ni urib yuborgan
YTH oqibatida piyoda tan jarohatlari olib, voqea joyida vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.
