Toshkentda reklama monitori yonib ketgani aytildi
Holat bo‘yicha FVB maʼlumot berdi.

Ijtimoiy tarmoqlarda Toshkent shahrining Shayhontohur tumanida LED reklama ekrani yonayotgani aytilgan videolar tarqaldi. Holat yuzasidan shahar FVB maʼlumot berdi.
Qayd etilishicha, Shayxontoxur tuman “Jangoh” MFY Jangoh dahasida joylashgan LED reklama ekranida elektr simlarining qisqa tutashuvi yuz bergan. Yong‘in sodir bo‘lmagan.
Zudlik bilan voqea joyiga yong‘in-qutqaruv ekipaji va masʼul xodimlar yetib borgan. Hodisa oqibatida tan jarohati olgan va halok bo‘lganlar yo‘q.







