Toshkentda yo'l harakati qoidalarini buzilishiga oid statistika e'lon qilindi
Avgust oyining dastlabki o'n kunligida poytaxtda 17 mingga yaqin qoidabuzariklar aniqlangan.
Toshkent shahar IIBB YHXB ma'lumotlariga ko'ra, joriy yilning 1-10-avgust kunlari davomida poytaxtda jami 16 449 ta qoidabuzariklar aniqlangan bo‘lib, shundan 5 888 tasi qo‘pol qoidabuzariklardir. Shuningdek, jumladan:
- Transport vositalarini mast holda boshqarish 91 ta;
- Transport vositalarini tegishli hujjatlarsiz boshqarish 714 ta;
- Transport vositasini boshqarish vaqtida haydovchilarning telefondan foydalanishi 379 ta;
- Svetofor talablariga rioya qilmaslik 213 ta;
- Odam tashish qoidasini buzish 511 ta;
- Quvib o‘tish qoidasini buzish 197 ta;
- Avariya holatini yuzaga keltirish 34 ta;
- IIOlari xodimining qonuniy talablarini bajarmaslik 50 ta.
Qayd etilishicha, 3 599 nafar qoidabuzar piyodalarga nisbatan ma'muriy bayonnoma rasmiylashtirilgan. Bundan tashqari mazkur davr davomida 35 ta yo‘l-transport hodisasi qayd etilgan bo‘lib, shundan 28 tasi piyodalar bilan bog‘liq.
Shuningdek, Toshkent shahar IIBB hamda YHXB xodimlari tomonidan 22 ta giyohvandlik vositalari, 198 ta sovuq qurol va 3 ta pnevmatik qurol bilan bog‘liq noqonuniy harakatlarga chek qo‘yilgan.
