Toshkentda 10 kun ichida 16 mingta yo‘l harakati bilan bog‘liq qoidabuzarlik aniqlandi
Shulardan salkam 6 mingtasi qo‘pol qoidabuzarliklardir.
Toshkent shahar IIBB Yo‘l harakati xavfsizligi boshqarmasi shaxsiy tarkibi tomonidan joriy yilning 1-10 avgust kunlari davomida jami 16 449 ta qoidabuzarliklar aniqlangan bo‘lib, shundan 5 888 tasi qo‘pol qoidabuzarliklardir.
Jumladan:
– Transport vositalarini mast holda boshqarish 91 ta;
– Transport vositalarini tegishli hujjatlarsiz boshqarish 714 ta;
– Transport vositasini boshqarish vaqtida haydovchilarning telefondan foydalanishi 379 ta;
– Svetofor talablariga rioya qilmaslik 213 ta;
– Odam tashish qoidasini buzish 511 ta;
– Quvib o‘tish qoidasini buzish 197 ta;
– Avariya holatini yuzaga keltirish 34 ta;
– IIOlari xodimining qonuniy talablarini bajarmaslik 50 ta.
Shu bilan birga, 3.599 nafar qoidabuzar piyodalarga nisbatan maʼmuriy bayonnoma rasmiylashtirilgan. Mazkur davr davomida 35 ta yo‘l-transport hodisasi qayd etilgan bo‘lib, shundan 28 tasi piyodalar bilan bog‘liq.
Shuningdek, Toshkent shahar IIBB hamda YHXB xodimlari tomonidan 22 ta giyohvandlik vositalari, 198 ta sovuq qurol va 3 ta pnevmatik qurol bilan bog‘liq noqonuniy harakatlarga chek qo‘yilgan.
