Barchasi bugun hal etilishi mumkin
“Al-Hilol” rasmiy hujjatlarni tayyorlamoqda.
“Al-Hilol” “PSJ” hujumchisi Neymarning transferi uchun rasmiy hujjatlarni tayyorlamoqda. Bu haqda Fabritsio Romano o‘zining ijtimoiy tarmoqdagi sahifasida maʼlum qildi.
Manbaga ko‘ra, bugun hammasi hal bo‘laadi. Saudiya Arabistoni klubi allaqachon Neymarni tibbiy ko‘rikdan o‘tkazishga hozirlik ko‘rmoqda va futbolchining vakillaridan ruxsat kutmoqda.
Avvalroq Neymar Saudiyaning “Al-Hilol” klubi bilan ikki yillik shartnoma borasida kelishib olgani haqida xabar berilgandi. Bu vaqt ichida 160 million yevro ishlab oladi.
Eslatib o‘tamiz, Neymar 2017-yildan beri “PSJ”da o‘ynab kelmoqda. Futbolchining klub bilan shartnoma muddati 2025-yilgacha mo‘ljallangan. 2022/2023-yilgi mavsumda 31 yoshli braziliyalik futbolchi “PSJ” safida barcha turnirlar doirasida 29 ta o‘yinda qatnashib, 18 ta gol urdi va 16 ta golli uzatmani amalga oshirdi.
