Ukraina Bosh prokuraturasi: urush oqibatida 500 nafar bola halok bo‘ldi
Save the Children bugungi kunda 7,5 million ukrainalik bola jiddiy xavf ostida ekani haqida ogohlantirmoqda.
Rossiyaning Ukrainaga hujumi oqibatida kamida 500 nafar bola halok bo‘lgan, mingdan ortiq voyaga yetmaganlar yaralangan. Bu haqda Ukraina Bosh prokuraturasi maʼlum qildi.
rasmiy idora bu maʼlumotlar to‘liq emasligini, chunki Rossiya qo‘shinlari tomonidan bosib olingan hududlardan maʼlumot to‘plash qiyinligini eslatib o‘tadi.
Bolalar eng ko‘p Donesk (485), Xarkov (298), Kiyev (129) va Xerson (118) viloyatlarida jabrlangan.
BMT Inson huquqlari bo‘yicha Oliy komissari boshqarmasi maʼlumotlariga ko‘ra, Rossiya bosqinining boshlanishidan buyon Ukrainada 9 mingdan ortiq tinch aholi halok bo‘ldi, 16 mingdan ortiq kishi jarohat oldi.
Save the Children bugungi kunda 7,5 million ukrainalik bola jiddiy xavf ostida ekani haqida ogohlantirmoqda.
