Jurnalistni kaltaklagan shaxsga jinoyat ishi ochildi
Hozirda holat yuzasidan tergov o‘tkazilmoqda.

Avvalroq Toshkent shahrida Zoʼr TV telekanali muxbiri va tasvirchisi “Ko‘prikqurilish” korxonasi xodimi tomonidan kaltaklangani, shundan so‘ng xodim ishdan bo‘shatilgani xabar qilingandi.
IIV matbuot kotibi Shohruh G‘iyosovning xabar berishicha, hozirda holat yuzasidan jinoyat ishi qo‘zg‘atilgan.
“Zoʼr TV teleradiokompaniyasi xodimlariga tan jarohati yetkazilganligi holati yuzasidan IIV Transport va turizm obyektlarida xavfsizlikni taʼminlash departamenti tomonidan Jinoyat kodeksining 277-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda”, — deyiladi xabarda.







