Dam olish kunlari quruq va o‘rtacha issiq ob-havo bo‘lishi kutilmoqda
"O'zgidromet" hafta oxirida kutilayotgan ob-havo ma'lumotlarini e'lon qildi.
"O'zgidromet" ma'lumotlariga ko'ra, bugun va dam olish kunlari O‘zbekiston hududi bo‘yicha quruq va kam bulutli ob-havo saqlanib turadi. Havo harorati yana 1-2 darajaga ko‘tariladi va kechalari 18-20 daraja, kunduz kunlari esa 35-37 daraja atrofida, shimolda, janubda va cho‘l hududlarda 38-39 darajagacha bo‘ladi.
"Bunday harorat avgust oyi o‘rtasi uchun bo‘lgan me’yoriy qiymatlarga yaqin va eng issiq yillarda avgust oyida O‘zbekiston hududi bo‘yicha kuzatilgan haroratdan nisbatan pastdir", — deyiladi xabarda.
Qayd etilishicha, 20-avgust kuni shimolda va cho‘l hududlarda ba’zi joylarda shamol tezligi 15-20 metr/sekundgacha kuchayishi, ayrim joylarda chang-to‘zon bilan kuzatilishi mumkin.
