0
Toshkent metropolitenining ayrim bekatlari yopiladi
Bunga nima sabab bo‘lishi ochiqlandi.
Toshkent Metropoliteni DUKning maʼlum qilishicha, joriy yilning 26 avgust kunidan boshlab “Yunusobod” yo‘nalishining “Yunusobod” va “Turkiston” bekatlari rejali profilaktik ishlar sababli 4 oy muddatga yopiladi.
Mazkur yo‘nalishdagi poyezdlar “Shahriston” va "Ming O‘rik" bekatlari oralig‘ida odatiy harakatlarini davom ettiradi, yuzaga kelishi mumkin bo‘lgan noqulaylikning oldini olish uchun esa “Shahriston” - “Yunusobod” - “Turkiston” oralig‘ida bepul avtobuslar harakati yo‘lga qo‘yiladi va ularning kunlik ish vaqti tonggi soat 6:00 dan tungi soat 00:00 ga qadar etib belgilanadi.
Maʼlumot uchun, 2002-yilda “Yunusobod” yo‘nalishidagi bekatlar aynan shunday sabablar bilan 3 oy muddatga yopilgan.
