Bugun poytaxtning markaziy ko‘chalarida “svet” bo‘lmaydi
Elektr taʼminoti 7-8 soatga uziladi.
Bugun Toshkent markazidagi ayrim ko‘chalarda elektr taʼminoti vaqtincha to‘xtatiladi. Bu haqda “Hududiy elektr tarmoqlari” Toshkent shahar filiali xabar berdi.
Kuz-qish mavsumiga puxta tayyorgarlik ko‘rish maqsadida poytaxtning Mirobod va Yakkasaroy tumanlaridagi MFYlarning qator ko‘chalarida elektr taʼminoti vaqtincha o‘chiriladi.
Manzillar:
Mirobod tumani: “Yangi Mirobod” MFYning ayrim ko‘chalarida soat 09:00 dan 17:00 gacha;
Yakkasaroy tumani: “Yakkasaroy” MFYning ayrim ko‘chalarida soat 09:00 dan 16:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.
Xabarda "Hududiy elektr tarmoqlari" Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘ragan.
