Poytaxtning ayrim ko‘chalari avtotransport uchun vaqtincha yopiladi
Mustaqillik bayrami munosabati bilan Toshkentda “Yangi nafas” xalqaro ommaviy yugurish musobaqasi o`tkaziladi.
Toshkent shahridagi ayrim ko‘chalarda avtotransport vositalarining harakati vaqtincha cheklanadi.
Shahar hokimlik matbuot xizmatining xabar berishicha, 3-sentabr kuni Mustaqillik bayramiga bag‘ishlangan “Yangi nafas” xalqaro ommaviy yugurish musobaqasi o`tkaziladi. Shu munosabat bilan poytaxtdagi ayrim ko‘chalarda avtotransport vositalarining harakati vaqtincha cheklanadi.
Unga ko'ra:
- 31-avgust kuni soat 10:00 dan 3-sentyabr kuni soat 10:00 gacha: Afrosiyob ko‘chasi I. Karimov shohko‘chasi bilan kesishmasidan Beshyog‘och ko‘chasi bilan kesishmasigacha;
- 3-sentyabr kuni soat 05:00 dan 09:00 gacha: Afrosiyob ko‘chasi I. Karimov shohko‘chasi bilan kesishmasidan Abdulla Qodiriy, Oybek va Nukus ko‘chalari bo‘ylab, Rim-Katolik cherkovigacha.
Hokimlik yuzaga kelishi mumkin bo'lgan noqoqulayliklar uchun uzr so'ragan.
