0
Toshkentda otlar ishtirokida parad bo‘lib o‘tadi
Mustaqillikning 32 yilligi munosabati bilan poytaxtda otliq kavaleriya paradi o'tkaziladi.
O'zbekiston mustaqilligining 32 yilligi munosabati bilan Toshkentda otliq kavaleriya paradi bo‘lib o‘tadi. Bu haqda Milliy gvardiyaning Toshkent shahar bo‘yicha boshqarmasi xabar berdi.
"Qadrli toshkentliklar va poytaxtimiz mehmonlari, 26-avgust kuni soat 18:00 da O‘zbekiston Respublikasi mustaqilligining 32 yilligi munosabati bilan ‘Yangi hayot uchun, Yangi O‘zbekiston uchun!’ shiori ostida kuch tuzilmalari va O‘zbekiston Yilqichilik va ot sporti federatsiyasi hamkorligida ‘Otliq kavaleriya paradi’ boʻlib oʻtadi", — deyiladi xabarda.
Otlar ishtirokidagi parad 26-avgust va 2-sentyabr kunlari Amir Temur xiyoboni bo‘ylab o‘tkazilishi rejalashtirilgan.
