Mirziyoyev ukrainalik 1-sinf o‘quvchilariga sovg‘a yubordi
Bu haqda Ukrainaning Toshkentdagi elchisi ma'lum qildi.
O‘zbekiston ukrainalik bolalarga insonparvarlik yordamini yubordi
O‘zbekiston jamoat tashkilotlari va ishbilarmonlar nomidan ukrainalik bolalarga insonparvarlik yordami yetkazildi. Bu haqda Ukrainaning Toshkentdagi elchisi Nikolay Doroshenko ma'lum qildi.
Qayd etilishicha, ushbu yordam paketidan erkaklar, ayollar va bolalar uchun futbolkalar, shuningdek, 2000 ta birinchi sinf to‘plami o‘rin olgan. To‘plamdan maktab sumkasi, daftar, rasm daftari, rangli qog‘oz, plastilin to‘plami, ruchka, yelim, qalam, rangli qalam, akvarel va qalam qutisi kiritilgan.
Gumanitar yukni Ukraina — O‘zbekiston do‘stligi xalqaro jamiyati rahbari Lyubomir Bashinskiy qabul qilib olgan.
Birinchi sinf o‘quvchilari uchun to‘plamlar Zakarpat viloyati maʼmuriyatining ko‘chirilganlar markaziga topshirilgan. Ular Xarkov, Xerson, Nikolayev va Zaporojye viloyatlaridan yetimlar va ko‘chirilganlarning bolalariga topshiriladi.
