Marokashda kuchli zilzila: salkam 300 ga yaqin qurbon bor
Rasmiylar halok bo‘lganlar soni ortishini aytmoqda.
Marokashdagi zilzila qurbonlari soni 296 kishiga yetdi, 153 kishi jarohat oldi, deb xabar bermoqda Marokash axborot agentligi IIV ma’lumotlariga tayanib.
Avvalroq 93 qurbon haqida xabar berilgan edi.
Yevropa-O‘rta Yer dengizi seysmologik markazi ma’lumotlariga ko‘ra, Marokashda 6,9 magnitudali zilzila sodir bo‘lgan.
«Zilzila 296 kishining hayotiga zomin bo‘ldi, 153 kishi ham jarohat oldi», — deyiladi agentlik bayonotida.
