Pashinyan Aliyev bilan uchrashishga tayyor
Bir qator davlat rahbarlari esa uchrashuvni tashkillashtirmoqchi.
Bir qator xorijiy davlatlar rahbarlari Armaniston bosh vaziri Nikol Pashinyan va Ozarbayjon Prezidenti Ilhom Aliyev o‘rtasida uchrashuv tashkillashtirishga tayyor ekanliklarini bildirdilar.
“Telefon suhbatlarida men Aliyev bilan uchrashuv o‘tkazishga tayyor ekanligimni bildirdim, vositachilar esa bunday uchrashuvni tashkil etish tarafdori”, — dedi Pashinyan parlamentdagi hukumat soatida.
9-sentabr kuni Armaniston bosh vaziri AQSh davlat kotibi, Eron Prezidenti, Gruziya bosh vaziri, Germaniya kansleri va Fransiya Prezidenti bilan telefon orqali muloqot qilgan.
Hukumat matbuot xizmati tarqatgan xabarlarda keltirilishicha, suhbat chog‘ida Pashinyan Ozarbayjon Prezidenti bilan keskinlikni pasaytirishga qaratilgan muzokaralarni zudlik bilan o‘tkazishga tayyorligini qayd etgan.
