Meksika narkobaron El Chaponing o‘g‘lini AQSHga ekstraditsiya qildi
Ovidio Guzman yanvar oyida qo‘lga olingandi.
Meksika hukumati qamoqdagi narkobaron Xoakin Guzmanning o‘g‘li, El Chapo nomi bilan tanilgan Ovidio Guzmanni AQSH huquq-tartibot idoralariga rasman ekstraditsiya qildi.
AQSH Bosh prokurori Merik Garlandning aytishicha, kichik Guzmanning ekstraditsiya qilinishi Amerikaning uzoq vaqtdan beri Guzmanlar oilasi bilan bog‘liq bo‘lgan Sinaloa kartelining narkotik moddalar kontrabandasi operatsiyalarining “har bir jihatini bostirishga qaratilgan saʼy-harakatlaridagi so‘nggi qadamdir.
Xabaringiz bor, shu yilning yanvar oyida Meksika xavfsizlik kuchlari Ovidio Guzmanni shimoliy Sinaloa shtatida yuz bergan otishmadan so‘ng hibsga oldi. Qo‘lga olish o‘nlab odamlarning o‘limiga sabab bo‘lgan zo‘ravonlik to‘lqinini keltirib chiqardi.
Sinaloa narkokartelining rahbari bo‘lgan El Chaponing o‘zi 2017 yilda AQSHga ekstraditsiya qilingan edi. U Koloradoda joylashgan eng yuqori darajadagi Supermax qamoqxonasida umrbod qamoq jazosini o‘tamoqda.
