“Ukraina ularga javob qaytaradi”
Vladimir Zelenskiy qo‘shnilaridan xafa.
Vladimir Zelenskiy Yevropa komissiyasi qarorini chetlab o‘tib, Ukraina g‘allasini olib kirishni taqiqlagan mamlakatlarga “sivilizatsiyaviy javob” bilan tahdid qildi.
“Agar qo‘shni davlatlar qarorlari Yevropa Ittifoqi qonunchiligiga zid bo‘lsa, Ukraina bunga madaniyatli tarzda javob qaytaradi”, — deb yozdi u Telegramda.
Zelenskiy, shuningdek, Ittifoq prezidentiga Ukraina qishloq xo‘jaligi mahsulotlarini Yevropa Ittifoqiga olib kirishga qo‘yilgan cheklovlarni bekor qilish qarori uchun minnatdorchilik bildirdi va buni “haqiqiy birlik va ishonch” namunasi deb atadi.
Yevropa Komissiyasi avvalroq Kiyevni eksport nazorati choralarini joriy etishga majburlagan holda Ukraina qishloq xo‘jaligi mahsulotlarining to‘rt turini ittifoqning bir qancha chegaradosh mamlakatlariga olib kirishga cheklovlarni uzaytirmaslikka qaror qildi. Biroq Polsha, Slovakiya va Vengriya 16 sentyabrdan boshlab Ukraina g‘allasini import qilish taqiqini bir tomonlama uzaytirdi. Bundan tashqari, Budapesht Ukrainadan 24 ta tovar importini taqiqladi.
