Isroilning G‘azoga qarshi havo hujumlarida ikki nafar jurnalist halok bo‘ldi
Bundan tashqari, hujum paytida bir nechta jurnalistlar jarohat olgani haqida xabar berilgan.
G‘azodagi shifoxona manbalaridan olingan “Anadolu” ma’lumotlariga ko‘ra, Isroil aviazarbasi natijasida falastinlik jurnalistlar Said Al-tavil va Muhammad Subh halok bo‘lgan.
Guvohlarning so'zlariga ko‘ra, G‘azoning G‘arbiy qismidagi Rimal shahrida Isroil havo hujumlarini yoritish paytida jurnalistlar havo hujumiga uchragan. Bundan tashqari, hujum paytida bir nechta jurnalistlar jarohat olgani haqida xabar berilgan.
Isroil havo kuchlari tunda G‘azoning turli shaharlarini o'qqa tutishda davom etdi. O‘lganlar yoki jabrlanganlar soni haqida hali ma'lumot berilmagan. Isroil ommaviy axborot vositalari, 800 kishining o'limi va 2300 dan ortiq isroilliklarning yaralanishi haqida xabar berishdi.
