G‘azoda uch hafta ichida BMTning 64 xodimi halok bo‘ldi
UNRWA G‘azo sektoridagi xodimlari orasida qurbonlar soni ko‘pligini maʼlum qildi.
Birlashgan Millatlar Tashkilotining falastinlik qochqinlarga yordam ko‘rsatish Yaqin Sharq agentligi (UNRWA) G‘azo sektoridagi xodimlari orasida qurbonlar soni ko‘pligini maʼlum qildi.
BMT agentligi direktori Filipp Lazzarinining aytishicha, so‘nggi uch hafta ichida Isroil mudofaa kuchlari (SAXAL) HAMASga qarshi javob operatsiyasi boshlanganidan beri sektorda UNRWA‘ning 64 nafar xodimi halok bo‘ldi.
"Bu qisqa vaqt ichida mojaroda halok bo‘lgan BMT xodimlarining eng ko‘p soni", — dedi u BMT Xavfsizlik kengashida so‘zlagan nutqida.
Lazzarini, shuningdek, tashkilotning G‘azo sektoridagi xodimlarida yonilg‘i, suv, oziq-ovqat va dori-darmonlar tugab qolganiga, shuning uchun ham tez orada ishni davom ettira olmasligiga eʼtibor qaratdi. UNRWA rahbari gumanitar sabablarga ko‘ra zudlik bilan o‘t ochishni to‘xtatishga chaqirdi.
