Poytaxt hokimligi huzurida ko‘p kvartirali uylarni ta’mirlash bo‘yicha kompaniya tashkil etildi

 

Toshkent shahri hokimi vazifasini bajaruvchi Shavkat Umurzoqov 26-dekabr kuni “Ko‘p kvartirali uylarni ta’mirlash bo‘yicha injiniring kompaniyasi” davlat muassasasini tashkil etish to‘g‘risidagi qarorni imzoladi. Qaror prezidentning 2023-yil 28-avgustdagi farmoni asosida qabul qilingan.

 

Quyidagilar mazkur davlat muassasasining asosiy vazifalari etib belgilandi:

 

• O‘zbekiston prezidenti va Vazirlar Mahkamasi, xalq deputatlari Toshkent shahar Kengashi va Toshkent shahar hokimining tegishli hujjatlari asosida berilgan vazifa hamda topshiriqlarni sifatli va o‘z vaqtida bajarilishini ta’minlash;

 

• Ko‘p kvartirali uylarni rekonstruksiya qilish va mukammal ta’mirlash ishlarini amalga oshirishda belgilangan muddatlarda foydalanishga topshirish yuzasidan shartnoma majburiyatlari bajarilishini ta’minlash;

 

• Birlamchi ruxsat beruvchi, loyihaoldi va loyiha hujjatlarining belgilangan muddatda sifatli tayyorlanishini ta’minlash, shaharsozlik to‘g‘risidagi qonunchilik hujjatlari talablariga rioya qilish;

 

• Obyektlarda qurilish-montaj ishlarini amalga oshirish uchun zarur shart-sharoitlar yaratish;

 

• Loyihalarni moliyalashtirish manbalarini aniqlash, xaridlarni rejalashtirish, xaridlar tartib-taomillarini belgilash va uning shaffofligini ta’minlash;

 

• Loyihalarni boshqarish va qurilish ishlari bo‘yicha exnik nazorat olib borilishini ta’minlash, mualliflik nazoratini tashkil etish hamda shaharsozlik normalari va qoidalariga rioya qilgan holda obyektlarni foydalanishga qabul qilish ishlarini tashkil etish.

 

Shuningdek, kompaniya ko‘p kvartirali uy-joy fondi obyektlarini ta’mirlaydi, modernizatsiya qiladi hamda energiya samaradorligini oshiradi. Bundan tashqari, ko‘p kvartirali uylarda liftlarni almashtiradi, ta’mirlaydi, modernizatsiya qiladi.

 

Budjet tizimi budjetlari hisobidan ko‘p kvaratirali uylarni ta’mirlash bilan bog‘liq barcha tadbirlar bo‘yicha ishlab chiqiladigan dasturlar va manzilli ro‘yxatlar Qurilish va uy-joy kommunal xo‘jaligi vazirligi bilan kelishiladi.