Blinken: G‘azoning tinch aholisiga hududni tark etishi uchun bosim o‘tkazmaslik kerak
AQSH Davlat kotibi G‘azo sektoriga tinch aholini qaytarish tarafdori ekanini maʼlum qildi.
Bu haqda Entoni Blinken Qatar poytaxti Dohada o‘tkazilgan matbuot anjumanida gapirdi.
"Sektorning tinch aholisi qulay sharoitlar paydo bo‘lishi bilanoq uylariga qaytishlari kerak. G‘azo sektoridagi gumanitar vaziyat yomonlashmoqda", — dedi AQSH tashqi siyosat idorasi boshlig‘i Iordaniyaga tashrifi chog‘ida.
Blinken Isroil G‘azo sektoridagi tinch aholini yaxshiroq himoya qilishi zarurligiga ishora qilmoqda.
AQSH Davlat kotibi Yaqin Sharq bo‘ylab safari doirasida G‘arbiy Sohil, Birlashgan Arab Amirliklari, Saudiya Arabistoni va Misrga ham tashrif buyuradi.
Entoni Blinkenning safari G‘arb davlatlarining Yaqin Sharqda mojaro avj olishiga yo‘l qo‘ymaslik borasidagi saʼy-harakatlarni kuchaytirgan pallaga to‘g‘ri kelmoqda.
