Denov tumani hokimi maktab o‘quvchilari bilan darsda qatnashdi
Hokim boshlang‘ich sinf o‘quvchilari ilmga chanqoqligi, yuqori sinflarda esa aksincha ekanini aytgan.
"Men boshlang‘ich sinfda o‘qiyotgan bolajonlarimizning darsga qiziqishini ko‘rdim, ammo, yuqori sinf o‘quvchilarining darsga eʼtiborsizligi, talabchan emasligi eʼtiborimni tortdi. Bu jarayonda o‘z-o‘zidan savol tug‘ildi. Nega bor yo‘g‘i bir ikki yilda o‘quvchilarning darslarga bo‘lgan qiziqishi yo‘qotilmoqda!?" — degan hokim.
Hokimi Ilhom Abrorov 80-umumiy o‘rta taʼlim maktabida bo‘ldi. Maktabning 2-A sinf va 10-B sinflarida o‘quvchilar safida turib darsni tingladi.
Denov tumanida o‘quvchilarning darslarga qiziqishini oshirish orqali bilim olishi, kasb-hunar o‘rganishi uchun maktablarda ustaxonalar, tadbirkorlar va mutaxassislarni jalb qilgan holda to‘garaklar tashkil etish, buning uchun maktabdagi bo‘sh joylar tadbirkorlarga o‘quvchilarni kasb-hunarga o‘qitish uchun tekin foydalanishga berilishi rejalashtirildi.
1-11 sinflarda xorijiy tillarni, fan to‘garaklarini o‘tishda o‘quv muassasalarida bepul joylar berilishi belgilandi.
