G‘azoda HAMASga tegishli tunnel topildi
U BMT agentligi binosi ostida joylashgan.
G‘azo sektoridagi BMT agentligi binosi ostidan HAMASga tegishli tunnel topildi. Bu haqda Isroil armiyasi xabar bermoqda.
Qayd etilishicha, tunnel Birlashgan Millatlar Tashkilotining falastinlik qochqinlarga yordam ko‘rsatish masalalari agentligi (UNRWA) shtab-kvartirasi ostidan topilgan.
BMT mazkur holat yuzasidan surishtiruv o‘tkazilishini maʼlum qildi.
Eslatib o‘tamiz, avvalroq bir qancha davlatlar UNRWAning bir nechta xodimlarini HAMAS bilan hamkorlikda ayblab, agentlikni moliyalashtirishni to‘xtatgan edi.
