Toshkentda elektrobus yo‘lovchilari bilan YTHga uchradi
Holat yuzasidan rasmiy munosabat bildirildi.
Toshkent shahrining Sergeli tumanida ichida yo‘lovchilari bo‘lgan elektromobil yo‘l-transport hodisasiga uchradi. Holat yuzasidan “Toshshahartransxizmat” AJ rasmiy maʼlumot berdi.
Holat bugun, 19 fevral kuni soat 12:30 larda Sergeli tumani Yangi Sergeli ko‘chasida yuz bergan. “Yutong” rusumli elektrobus haydovchisi qon bosimining oshganligi sababli boshqaruvni yo‘qotib, yo‘l chetini ajratib turuvchi panjaraga borib urilgan.
Hodisa oqibatida tan jarohati olganlar yo‘q, elektrobus texnik shikastlangan. Avtobus haydovchisi shifoxonaga olib ketilgan.
Hozirda ushbu yo‘l-transport hodisasi Toshkent shahar IIBB YHXB xodimlari tomonidan rasmiylashtirilib, surishtiruv ishlari olib borilmoqda.
