Eron Rossiyaga ballistik raketalar yetkazib berdi
Ular 700 kmgacha masofadagi nishonlarga zarba bera oladi.
Eron Rossiyaga 400 ga yaqin ballistik raketalar yetkazib berdi. Bu haqda Reuters yozmoqda.
Qayd etilishicha, raketalar orasida “Zolfaghar” raketalari ham bor. Ekspertlar ushbu turdagi raketa 700 kmgacha bo‘lgan masofadagi nishonlarga zarba bera olishini aytishmoqda.
Raketalarni Rossiya Federatsiyasiga yetkazib berish ikki davlat vakillari o‘rtasidagi kelishuvlarga asoslangan holda yanvar oyidan boshlangan.
"Tehron har qanday davlatga qurol eksport qilish huquqiga ega bo‘lganligi sababli, yetkazib berish hajmi yana-da ko‘proq bo‘ladi", — deya maʼlum qilgan nomi oshkor qilinmagan Eron rasmiylaridan biri.
