“Putin uchun inson hayoti qiziqmas”
Germaniya TIV rahbari Rossiyaga bosimni kuchaytirishga chaqirdi.
Germaniya Tashqi ishlar vaziri Annalena Berbok xalqaro hamjamiyatni Rossiya Prezidenti Vladimir Putinga bosimni kuchaytirishga chaqirdi.
"Agar biz har bir hayot birdek muhim bo‘lgan dunyoni qadrlasak, unda har birimiz Rossiyaning bosqiniga qarshi chiqishimiz kerak", — deya taʼkidladi u.
"Putin inson hayoti uning uchun hech narsani anglatmasligini qayta-qayta isbotladi, xorijda ham, o‘z mamlakatida ham. U hatto Aleksey Navalniy xotirasiga gul qo‘ygan rossiyalik bolalarni hibsga olishdan ham tortinmaydi. Berlin kerak bo‘lganda Ukrainani qo‘llab-quvvatlaydi. Chunki biz shafqatsizlik dunyosiga qarshimiz", — deya qo‘shimcha qildi Germaniya TIV rahbari.
