"Barsa" "Manchester Yunayted" bilan muzokara o'tkazdi
Klubning kelgusi rejalari belgilanmoqda.
"Barselona" sport direktori Deko "Manchester Yunayted" sport direktori Jon Murto bilan uchrashib, ehtimoliy transferlarni muhokama qildi. Xavi ketganidan keyin yangi keladigan bosh murabbiy nomi hozircha ma'lum bo'lmasada, "Barselona" rahbariyati hozirdanoq jamoani keyingi mavsumda kuchaytirishni rejalashtirgan.
Uchrashuvda muhokama qilingan futbolchilardan biri "Xetafe"da ijara asosida o'ynayotgan Meyson Grinvud bo'ldi. Avvalroq, 22 yoshli angliyalik futbolchi "Manchester Yunayted"ga qaytishni istamayotgani haqida xabarlar tarqalgan edi.
O'tgan yilning yanvar oyida Grinvud zo'rlashda ayblanib, futboldan chetlatilgandi. 2023-yilning fevral oyida politsiya futbolchiga nisbatan jinoiy ish qo'zg'atishni to'xtatdi. Uning shartnomasi 2025-yilda tugaydi, shuning uchun "Barselona" uni arzon narxda sotib olishi mumkin.
