Аmerikaliklar xitoylik xakerlar hujumiga uchradi
Ular hatto siyosatchilarni ham nishonga olgan.
Hozirda 7 nafar Xitoy fuqarosi 14 yil davom etgan kiberhujum kampaniyasiga aloqadorlikda ayblanmoqda. AQSH Davlat departamenti ushbu shaxslar haqidagi maʼlumot uchun 10 million dollar miqdorida mukofot eʼlon qildi.
AQSH Adliya vazirliga ko‘ra, kiberjinoyatchilar nafaqat amerikaliklarni, balki boshqa biznesmenlar va siyosatchilarni ham nishonga olgan. Ular tomonidan yuborilgan 10 mingdan ortiq "zararli elektron pochta xabarlari" turli hududlardagi minglab insonlarga taʼsir qilgan. AQSH Adliya vazirligi buni Xitoy hukumati tomonidan qo‘llab-quvvatlangan" global xakerlik operatsiyasi" deya taʼriflagan.
Mazkur ayblovlar Buyuk Britaniya hukumati Xitoyni mamlakat Saylov komissiyasi va siyosatchilarini nishonga olgan "zararli kiber kampaniyalar" uchun javobgar ekanlikda ayblaganidan keyin paydo bo‘ldi. Xitoyning Londondagi elchixonasi ayblovni" uydirma va g‘arazli tuhmat" deb atagan.
Yangi Zelandiya hukumati ham mamlakat parlamenti Xitoy tomonidan qo‘llab-quvvatlanadigan kiberjinoyatchilar nishoniga aylanganini maʼlum qilgan.
