Angrenda 9-sinf bola 18 yoshli yigitni o‘ldirib qo‘ydi
Holat yuzasidan viloyat MMTB rasmiy izoh berdi.
20-mart kuni soat tungi soat 23:30 lar atrofida Toshkent viloyati Angren shahrida yashovchi, umumtaʼlim maktabining 9-sinf o‘quvchisi M.D. 2006 yilda tug‘ilgan O.A. bilan o‘zaro kelishmovchilik natijasida janjallashgan.
O.A. ushbu janjal natijasida olgan tan jarohatlari oqibatida sog‘lig‘i yomonlashib vafot etgan. Ayni vaqtda mazkur holat yuzasidan O‘zbekiston Respublikasi Jinoyat kodeksining 104-moddasi 3-qismi «D» bandi bilan jinoyat ishi qo‘zg‘atilgan hamda surishtiruv ishlari olib borilmoqda.
Toshkent viloyati Maktabgacha va maktab taʼlimi boshqarmasi jamoasi ushbu kutilmagan voqea natijasida vafot etgan o‘quvchining oila aʼzolari va yaqinlariga chuqur hamdardlik bildirib, mazkur holat darsdan tashqari, tungi vaqtda sodir bo‘lganligini eslatib o‘tgan.
