"Liverpul" Xabi Alonso variantini rad etdi
Jamoa boshqa nomzod izlamoqda.
"Liverpul" "Bayer" ustozi Xabi Alonsoni bosh murabbiylikka taklif qilish fikridan voz kechdi.
Xabarlarga ko'ra, "Liverpul" endi Alonsoni tayinlash masalasini ko'rib chiqmayapti, chunki ispaniyalik murabbiy yana bir mavsum "Bayer Leverkuzen"da qolish niyatida. Qayd etilishicha, "qizillar" rahbariyati muqobil nomzodlarga o'tadi - klubning short-listida "Sporting" rahbari Ruben Amorim va "Brayton"dan Roberto De Zerbi bor.
Eslatib o‘tamiz, Xabi Alonso 2022-yilda “Bayer”ni boshqarib kelmoqda. Germaniya chempionatining joriy mavsumida 26-turidan keyin ispaniyalik mutaxassis boshchiligidagi “Bayer” 70 ochko bilan turnir jadvalida peshqadamlik qilmoqda.
