Velosport bo‘yicha 2 ta oltin medal qo‘lga kiritildi
Shveysariyada bo‘lib o‘tgan “Lifeʼs An Omnium Madison” xalqaro musobaqada hamyurtlarimiz g‘alaba qozondi.
Velotrek bo‘yicha “Tashkent City Women Professional Cycling Team” jamoasi Shveysariyadagi “Lifeʼs An Omnium Madison” musobaqasida ishtirok etdi. Sportchilarimiz ushbu turnirda 2 ta oltin medalga sazovor bo‘lishdi. Shiddatli ruhda kechgan bellashuvlarda Nafosat Koziyeva ochkolar poygasi, Margarita Misyurina esa sprint dasturida tengsiz bo‘ldi.
Ochkolar poygasi:
🥇Nafosat Koziyeva (O‘zbekiston)
🥈Martina Alzini (Italiya)
🥉Valentina Zanzi (Italiya)
Sprint:
🥇Margarita Misyurina (O‘zbekiston)
🥈Alina Zeyts (Shveysariya)
🥉Ori Bash (Isroil)
Tanzila Narbayeva sportchi qizlarni g‘alaba bilan tabrikladi: "Nafosat Qo‘ziyeva va Margarita Misyurina mamlakatimizni jahon miqyosida munosib himoya qilib, yuksak sport yutuqlarini namoyish etdi".
"Bunday g‘alabalar tasodifiy emas - ular mehnat, matonat va doimo yuksaklikka intilish natijasi. Sportchilarimizni tabriklayman va yangi yorqin g‘alabalar yor bo‘lishini tilab qolaman!" — deb qayd qilingan Senat raisining sahifasida.
