“Mintaqadagi keskinlik jiddiy oqibatlarga olib kelishi mumkin”
O‘zbekiston TIV Yaqin Sharqdagi vaziyat bo‘yicha bayonot berdi.
Vazirlik O‘zbekiston Respublikasi Yaqin Sharqdagi vaziyat keskinlashuvining yangi bosqichidan chuqur xavotirda ekanini bildirgan.
“O‘zbekiston tomoni barcha taraflarni bosiqlikka, harbiy harakatlarni davom ettirishdan tiyilishga hamda mojaroni eng qisqa fursatlarda siyosiy tartibga solish uchun mumkin bo‘lgan barcha choralarni ko‘rishga chaqiradi.
Mazkur mintaqadagi keskinlikning avj olishi yana-da jiddiy oqibatlarga va keng ko‘lamli harbiy qarama-qarshiliklarga olib kelishi mumkin deb hisoblaymiz”, deyiladi bayonotda.
