“Humo Arena”dagi konsertga yana soxta bilet sotildimi?
Tarmoqda tarqalgan xabarlarga rasmiy izoh berildi.
Ijtimoiy tarmoqlarda Xumo Arenada o‘tkazilishi rejalashtirilgan Macan konsert dasturi uchun sotilgan biletlar soxta ekani aytilgan xabarlar tarqaldi. Holat yuzasidan Milliy gvardiya rasmiy munosabat bildirdi.
Qayd etilishicha, kirishdagi chiptalar tekshiruvi jarayoni “Iticket” xodimlari tomonidan maxsus skaner qurilmasining “QR-kod”i orqali tekshirilib kiritilgan.
Ammo baʼzi bir fuqarolar qurilmani aldashga uringan va avval saroyga kirib bo‘lgan tanishlarining chiptalari bilan takroran kirishga urinishgan. O‘z-o‘zidan maʼlumki, bunday chiptalarga ega bo‘lgan fuqarolar nazorat o‘tish joyidan ichkariga qo‘yilmagan.
Milliy gvardiya va ichki ishlar xodimlari tomonidan ushbu fuqarolar bilan tushuntirish ishlari olib borilgan va jamoat tartibi saqlangan.
