Imtihonsiz til sertifikati olib bermoqchi bo‘lgan firibgarlar ushlandi
Hozirda ularga nisbatan jinoiy ish ochilgan.
Toshkent shahri Mirzo Ulug‘bek tumanida “TOEFL IBT” sertifikati olib berishni vaʼda qilgan firibgarlar ushlandi.
O‘tkazilgan tezkor tadbirda fuqarolar M.K. va A.A. o‘zaro til biriktirib, fuqaro U.Yu.ning ishonchiga kirib, uning turmush o‘rtog‘i Sh.Yu.ga go‘yoki yuqori lavozimda ishlovchi tanishlari yordamida hech qanday imtihonlarga qatnashmasdan “TOEFL IBT” sertifikatini olib berishi evaziga 1 800 AQSH dollarini olgan vaqtlarida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
